Tanto Rajoy como Feijóo veñen de anunciar esta semana un importante paquete de medidas de recortes e saneamento, en ambos casos adórnanse cun corte fino de bisturí co que se pretende ocultar o groso das medidas coas que utilizaran un coitelo de matanza.
Bisturí para altos cargos da Xunta e directivos de entidades bancarias, coitelo de matanza para o resto.
Feijóo anuncio a semana pasada que rebaixaría en 80 millóns de euros o custe do persoal na Xunta, centrouse en explicar que vai a conxelar de xeito temporal o plus de altos cargos, plus que nunca tería que terse aprobado, pero que só afecta actualmente a 142 persoas cun custe de 1 millón de euros anuais, con este corte de bisturí pretende ocultar o recorte de 79 millóns de euros aos funcionarios de a pé, para estes non vai a utilizar un bisturí se non un coitelo de matanza.
E gravísimo a eliminación da retribución durante os tres primeiros días de baixa por enfermidade e que dende o cuarto só se cobre o 60% das arcas da Seguridade Social completando a Xunta só a partir do día 21. Máis tendo en conta que nos últimos anos non hai practicamente ningún contrato de substitución para as baixas por enfermidade inferiores a un mes.
A eliminación de 3 días de asuntos propios é un deses foguetes que a efectos do orzamento non ten ningunha repercusión, non se recorda a última vez que se contratou a alguén para substituír a un funcionario que estivera de asuntos propios, as propias normativas internas xa impiden que os servizos queden descubertos por mor destes días.
Aínda non coñecemos con detalle o decreto sobre o sistema financeiro que vai a aprobar o consello de ministros deste venres, pero xa sabemos o recorte de bisturí: os directores e altos cargos das entidades bancarias con axudas non poderán cobrar máis que 600.000 euros, e os altos cargos das entidades nacionalizadas (é dicir traballadores públicos) só poderán cobrar un máximo de 300.000 euros, as cifras de por si xa son obscenas, pero aínda é máis obsceno querer con esta medida ocultar o rexeitamento popular ás novas axudas bancarias de miles de millóns de euros, aquí vai o coitelo da matanza, xa que acabaremos pagando dalgún xeito ditas axudas.
Todos temos ademais a certeza de que Castellanos non vai a deixar de gañar 600.000 euros ni Rato deixara de gañar 1.700.000 euros, xa buscarán o xeito de recuperar ditas gratificacións por outras vías.
